„Свириме за промена“ - е мултимедијално движење креирано да инспирира, поврзува и да донесе мир во светот преку музика. Идејата за овој проект произлегува од верувањето дека музиката ја има моќта да ги надмине границите и растојанието меѓу луѓето. Без разлика од каде доаѓаат, каква е нивната политичка, економска, спиритуална, идеолошка или религиозна позадина, музиката ја има универзалната моќ да не обедини како една раса- човековата.
За успешна реализација на проектот оваа група поседува студио кое поради специфичните потреби е подвижно, со кое се снима и е опремено со опрема која се употребува во најдобрите студија, а патуваат таму каде музиката ќе ги однесе.
Музичари од целиот свет заедно свират познати песни кои ја пренесуваат пораката за мир. На нивните настапи, публиката може да види и слушне музичари кои патувале илјадници милји од дома, а обединети поради една причина – обединувачката моќ на музиката да допре до сите.
Една од песните која е одсвирена на овој начин, и за која е снимано видео, е популарната песна на Боб Марли - “War- No More Trouble”
Интернет-радиото можеби влегува во несугирни води, но многу од социјалните мрежи за музика продолжуваат да бележат голема популарност. Ако сте член на бенд, овие веб-страници се мошне битни за промоцијата на вашата музика. Затоа, додајте ги следниве линкови во “bookmarks” и зачленете се на што поголем број од музичките социјални мрежи кои денес ви ги презентираме. Се разбира, „MySpace“ е изоставена од листата затоа што нема потреба некому да ја претставуваме.
Во анкетата на порталот „Mashable“, која се состоела од прашањето дали читателите преферираат да поседуваат сопствена колекција на музика или повеќе ги привлекува претплатата на одреден сервис за слушање музика, 50% од испитаниците одговориле дека претпочитаат да имаат лична колекција. За претплата на сервисите за музика се одлучиле 28%, додека пак 22% одговориле дека обата начина на конзумирање музика им се подеднакво драги.
