Комуникации.нет: Развојот на новинската индустрија, во туѓи раце

Веројатно како никогаш досега весниците, и сите останати произведувачи на информации, поточно мислам на традиционални медиуми, се наоѓаат во ситуација кога најмалку имаат влијание во развојот на она што најдобро знаат да го прават.

Целиот текст тука.

Пулицерови награди 2010: Дигиталните медиуми најпријатно изненадување

Најголемото изненадување на доделувањето на Пулицеровите награди за 2010 година, кое се одржа синоќа, беа наградите кои отидоа во рацете на новнари од дигиталните медиуми. Имено, „ProPublica“ и „The San Francisco Chronicle“, со добивањето на „Пулицер“ за содржини објавени на Интернет, навестија нова ера во новинарството.

„Yahoo News“ вработува новинари

Во обид да ја зголеми популарноста на сопствените вести, преку создавање оригинална содржина, наместо превземање од другите медиуми, „Yahoo“ вработи голем број на новинари од печатените и „онлајн“ медиуми и отвори агенција во Вашингтон.

Овој потег треба да ги соедини оригиналните вести и видео содржини креирани од новосоздадениот тим на новинари со оние кои под лиценца се преземаат од останатите медиуми, што се очекува да резултира со зголемување на популарноста на вестите на „Yahoo“.

Извор:

Editors Weblog

Верзијата на „Wall Street Journal“ за „iPad“ ќе чини 17.99 долари месечно

Познатиот весник „Wall Street Journal“ ќе наплаќа месечна претплата за пристап до содржините преку „iPad“ во висина од 17.99 долари на месечно ниво. Ова осамна на страниците на „WSJ“ како информација добиена од луѓе од управата блиски до целиот процес. Споменатата цена е за 10 долари поевтина од месечната претплата на „хартиеното“ издание, сепак, се уште не се знае како потенцијалната „iPad“ публика ќе реагира на неа.

Статијата во весникот се осврнува и на можностите за огласување што се отвораат со лансирањето на „iPad“. Па така, дознаваме дека магазинот „Time“ веќе се договорил со неколку познати брендови за огласување преку „iPad“, но и дека Wire им нуди на своите огласувачи понуда со „додатни елементи“ – претпоставуваме дека станува збор за видео огласи. Esquire, пак, се одлучил за издание 2 долари поевтино од стандардното, но без никакви огласи. Што ќе донесе „iPad“-от за весниците и индустријата на огласување, и дали ќе се соочиме со сосема нови модели на огласување, останува да се види во наредниот период.

Извор и фото:

Gizmodo

Утрински: ВАЦ усвојува Кодекс на однесување и етички начела

ЕСЕН/СКОПЈЕ - Весниците и списанијата на медиумската групација ВАЦ во Македонија за вработените во издаваштвата и редакциите усвоија Кодекс на однесување, а пак, за уредниците Етички начела за известување. Кодексот на однесување и Етичките начела беа донесени по предлог на раководството на „Медија принт Македонија“. 

Читателите на вести на Интернет верни на омилените страници

Покрај огромното количество на достапни содржини на Интернет, се чини дека најголемиот број од оние кои ја користат мрежата за читање вести не се одвојуваат многу од своите омилени веб-страници.

Според новото истражување на „Pew Center's Project for Excellence in Journalism“, 35% од луѓето кои читаат вести на интернет имаат омилена страница, додека 21% се „моногамни“, односно се потпираат само на една страница за читање вести. Дури 57% од испитаниците, за да ги прочитаат најновите вести, одат на две до пет страници со новости. Истовремено, само 7% од испитаниците би платиле за пристап до вести преку Интернет.

Истото истражување, користејќи ги податоците од „Nielsen Online“, покажало дека од илјадниците страници со новости во САД, седум проценти генерираат 80% од сообраќајот. Интересен е и фактот дека посетителите подолго се задржуваат на најпопуларните страници за вести одошто на агрегаторите за вести.

Уште еден важен податок од истражувањето е дека граѓанското новинарство се шири забрзано на локално ниво, воведувајќи мноштво иновации. Сепак, ваквата состојба се уште нема да ги загрози репортерите од весниците, но секако може да резултира со соодветна колаборација во полза на корисниците, се вели во извештајот од истражувањето.

Извор:

Editors Weblog