Кога телевизијата би била искрена со нас

Кога телевизијата би ни се обраќала директно и би била искрена со нас... Погледнете го ова инспиративно и духовито видео.

Извор:

Он.нет

Телевизиските гледачи се вртат кон Интернетот

Едно истражување во САД, извршено на 1000 испитаници, покажало дека се повеќе конзументи ги гледаат омилените телевизиски содржини на интернет-страници од типот на „Hulu“, наместо на телевизиските апарати. Се покажало дека дури 83% од помладата популација во САД гледа барем дел од телевизиските содржини со посредство на Интернет. 

Телевизија за „паметни“ телефони

Луѓето од „Fox Mobile Group“ денес го најавија сервисот „Bitbop“, кој е всушност претплата на ексклузивни видеосодржини за „паметни“ мобилни телефони (smartphones). Овој сервис ќе чини 10 долари месечно, и веќе се најавува како „најдоброто нешто додека не се појави апликацијата за Hulu“.

Инаку, со „Bitbop“, корисниците ќе можат да пребаруваат комплетни телевизиски содржини и филмови по менито, и ќе можат да ги гледаат во „streaming“ верзија или да ги симнат на својот мобилен телефон. Се уште не е познато со колкаво количество на содржина ќе располагаат корисниците, а тоа ќе биде мошне битно, ако се знае дека покрај содржините на „Fox“ мрежата, на располагање ќе бидат и содржини од „NBC Universal“ и „Discovery“.

Останатите прашања кои чекаат одговор во наредните недели, кога Bitbop ќе биде достапен за симнување, се: дали сервисот ќе содржи реклами, дали ќе се доплаќа за одредени содржини и дали, кога станува збор за сериите, и епизодите од изминатите сезони ќе бидат достапни. Останува да почекаме и да видиме.

Претставен новиот Интернет-прелистувач за телевизори – „Kylo“

Од „Hillcrest Labs“ го најавија пуштањето во употреба на нивниот бесплатен интернет-прелистувач „Kylo“. Базиран на „Mozillа“, новиот прелистувач ќе биде компатибилен со „Mac“ и „Windows“, а првенствено е наменет за телевизиски апарати поврзани со компјутер. За разлика од останатите слични апликации, „Kylo“ не ја прикажува локалната содржина, туку само онаа преземена од Мрежата.

Прелистувачот „Kylo“ е дизајниран така што корисниците нема да имаат потреба да внесуваат текст мошне често. На основната страница достапни се 128 копчиња, кои кога ќе се кликнат го носат корисникот на најпопуларните интернет страници како „YouTube“, „Hulu“, „Facebook“, „Amazon“, „Pandora“, „ESPN“, „NBC“, „CBS“, „ABC“, „Fox“ и други. „Кликањето“ може да се прави со посредство на „покажувач“ (pointing device), а компанијата „Hillcrest Labs“ се проби на пазарот токму со еден напреден модел на „покажувач“, така што нивните очекувањата во врска со бесплатниот ТВ прелистувач најверојатно се насочени кон продажбата на „покажувачот“. 

Се подготвува „Google TV“?

Иако „Google“ има колосални резултати во огласувањето на Интернет, сепак овој успех не беше пренесен и на полето на класичните медиуми. Сега, се прават напори огласувањето од Интернет целосно да се пренесе на телевизијата. Имено, „Google TV“ ќе биде базиран на „Android“ оперативниот систем, кој веќе функционира на мобилните телефони, и тоа треба да им овозможи на корисниците да ги менуваат активните веб-апликации подеднакво лесно како што би менувале телевизиски канали.

Додека „Google“ ја развива платформата, во „Sony“ се работи на техничката изведба на хардверот, а „Logitech“ ги подготвува периферните алатки од типот на далечински управувач со вклучена тастатура.

Од „Google“ одбија да ги коментираат овие вести, што впрочем го правеа и со другите гласини кои се покажаа вистинити, па зато останува да почекаме и да видиме дали „Google TV“ навистина ќе не „пресели“ во дневната соба.

Извор:

DigitalBeat

Социјалните медиуми продолжуваат да „крадат“ од доларите наменети за ТВ реклами

Најновото заединчко истражување на „Forrester Research“ и „National Advertisers“ покажало дека трошењето за рекламирање на социјалните медиуми расте, и тоа за сметка на рекламирањето на телевизија. Во истражувањето биле опфатени 104 огласувачи од САД кои припаѓаат на 21 различна индустрија, а чии вкупен буџет наменет за медиумите изнесува 14 милијарди долари. Меѓу нив се компании како „Cisco Systems“, „GlaxoSmithKline“, „ING“, „Kraft“, „Marriott“ и други.