Лејди Гага со најгледано видео на YouTube

Со над 179 милиони прегледувања, спотот за песната „Bad Romance“ на Лејди Гага стана најгледана содржина на „YouTube“, надминувајќи го досегашниот рекордер – комичното видео „Charlie Bit My Finger“.

Песната „Bad Romance“ на Лејди Гага е на врвот на топ листите ширум светот уште од нејзиното појавување во ноември минатата година, и очигледно е дека интересот за неа уште не спласнува. Ако на ова се додадат глобалната попуарност на Лејди Гага и оригиналните видео записи на нејзините песни, тогаш јасно е од каде потекнува неверојатната посетеност на песната на „Youtube“.

Извор:

Social Times

Pandora + Twitter = Dora.fm

Најинтересните работи на Мрежата, најчесто се производ на одлично комбинирање на веќе постоечките услуги. Најновата примамлива комбинација е наменета за сите оние кои уживаат во слушање музика на Pandora и „твитање“ истовремено. Се работи за „Dora.fm“, која комбинирајќи ги услугите на „Pandora“, „Twitter“ и скратувачот на линкови „Bit.ly“, им нуди на корисниците да ја споделат музиката што ја слушаат со своите пријатели на „Twitter“.

Извор:

ReadWriteWeb

Најпопуларните социјални мрежи за музика

Интернет-радиото можеби влегува во несугирни води, но многу од социјалните мрежи за музика продолжуваат да бележат голема популарност. Ако сте член на бенд, овие веб-страници се мошне битни за промоцијата на вашата музика. Затоа, додајте ги следниве линкови во “bookmarks” и зачленете се на што поголем број од музичките социјални мрежи кои денес ви ги презентираме. Се разбира, „MySpace“ е изоставена од листата затоа што нема потреба некому да ја претставуваме.

Поседувањето на музичка колекција попосакувано од претплатата на музички сервис

Во анкетата на порталот „Mashable“, која се состоела од прашањето дали читателите преферираат да поседуваат сопствена колекција на музика или повеќе ги привлекува претплатата на одреден сервис за слушање музика, 50% од испитаниците одговориле дека претпочитаат да имаат лична колекција. За претплата на сервисите за музика се одлучиле 28%, додека пак 22% одговориле дека обата начина на конзумирање музика им се подеднакво драги.

Ваквите резултати од страна на порталот се толкуваат како пораст на процентот на поддржувачи на музичка претплата, но и како потврда на идејата дека на пазарот има простор за обата пристапи.

Извор:

Mashable

Подемот на социјалната музика: Како Мрежата ја трансформираше музиката

Пред 15 години ги слушавме нашите омилени песни на компакт дискови, се шетавме со вокмените и потпевнувавме на звуците од радиото. Но со подемот на Мрежата и социјалните медиуми музиката се трансформираше во уште пораширена и подостапна уметност. Веќе нема потреба музиката да биде запакувана на наосач на звук потпишан од врвна музичка куќа, ниту пак мораме поседуваме масивна колекција на дискови за да може да се нурнеме во светот на музиката.